Besnik Boletini nga organizata Çohu, një nga autorët e dokumentarit “Mjeshtëria e kopjimit”, thotë se ekzistojnë kufje specifike përmes të cilave arrijnë të kopjojnë studentët.
“Kopjimi me kufje është 10 euro me qera dita për me i huazu,” shprehet Boletini në emisionin Kontakt në TribunaChannel.
Sipas tij, nëpër skriptore rreth hapësirës universitare ka teste për provime që i shërbejnë kësaj dukurie.
Boletini thotë se duhet të ndërmerren masa prej rektoratit dhe fakulteteve për të parandaluar këtë problematikë.
“Profesorat duhet të ndërrojnë testet më shpesh. Mënyra e vlerësimit duhet të jetë graduale dhe nuk duhet të testohen me provimet finale.”
Në dokumentar flasin vetë studentët për mënyrat që përdorin metodat e kopjimit. Rrëfime interesante nga bizneset që ofrojnë shërbime të fotokopjimit.
Xhirime të fshehta për të gjetur materiale të shumta për secilin sektor studimi.
