Mesfushori i përfaqësueses së Kosovës, Valon Berisha ka vendosur derbin austriak mes RB Salzburgut dhe Rapidit të Vjenës me një gol të shënuar 20 minuta para përfundimit të takimit.Berisha realizoi në minutën e 73-të të takimit, duke i dhënë epërsinë prej 1-0 skuadrës së Red Bull Salburgut, raporton Insporti.
E pas golit të shënuar, Berisha festoi me lot në sy.Berisha ia dedikoi golin gjyshës së tij, e cila ndërroi jetë para katër ditëve.
“Kjo ishte për ty Gjyshe, unë të dua dhe ti gjithmonë do të jesh në zemrën time”, ka shkruar Berisha në rrjetin social Instagram, pas përfundimit të ndeshjes. “Gjyshe unë nuk do të të harroj asnjëherë”.
- Advertisement -
