Në Karsluhe të Gjermanisë, aty ku edhe do të zhvillohet dueli i nesërm mes Kampionit aktual botëror në pesha të rënda (WBF), Erzen Rrustemit, dhe sfiduesit Juan Pedro nga Argjentina, sot pasdite u kryen dhe matjet zyrtare, të cilat kaluan pa ndonjë telashe.
Boksierët respektuan njëri – tjetrin dhe, në heshtje u pajtuan që çdo gjë ta zgjidhin nesër në ring, përmes grushteve.
Boskieri ynë, Erzen Rrustemi, i cili nga 12 duelet e deritashme ka një rezultat fantastik prej 12 fitoreve, (10 prej tyre me KO), peshoi 100,2 kg, ndërsa Juan Pedro, i cili der tash ka zhvilluar 14 duele, prej të cilave 11 i ka të fituara (9-të nga të cilat me KO), peshoi 111.2 kg.
- Advertisement -
