Kuvendi i Kosovës do të mbajë sot seancën e jashtëzakonshme në ku pritet të shqyrtohet Projektligji për ratifikimin e Marrëveshjes së Demarkacionit me Malin e Zi.
Kjo do të jetë edhe tentativa e tretë për ta ratifikuar këtë ujdi.
Dy përpjekjet e para për ta kaluar në Kuvend këtë marrëveshje dështuan gjatë javës së shkuar për shkak të mungesës së kompromisit në mes të partive politike për këtë çështje.
Lëvizja Vetëvendosje dhe Lista Serbe janë kundër votimit të saj, kurse për t’u ratifikuar demarkacioni nevojiten 80 vota nga 120 sa i ka parlamenti i Kosovës, transmeton Klan Kosova.
Kjo ujdi shkon në Kuvend në ditën kur vendin tonë e vizitojnë krerët e Bashkimit Evropian, Presidenti i Komisionit Evropian, Jean-Claude Juncker, kryediplomatja evropiane, Federika Mogherini dhe komisioneri për zgjerimin Johannes Hahn.
Demarkacioni është kusht që Kosova duhet ta përmbushë në mënyrë që t`i hiqen vizat nga Bashkimi Evropian, transmeton Klan Kosova.
