Në jugperëndim të Sarajevës është themeluar qyteti “Sarajevo Resort Osenik”, qyteti i parë arab në Bosnje e Hercegovinë, banorët e të cilit janë të gjithë arabë, shkruan portali “tetova1”.
Shtëpitë nuk janë të larta, por janë të vendosura në një pozicion perfekt, të rrethuara nga uji dhe shumë larg zhurmës.
Ndërkohë vendasve nuk u lejohet të hyjnë në këto banesa, përveç atyre që janë të punësuar si roje sigurimi, kamerierë apo pastrues.
Pronarët e shtëpive janë arab dhe ata nuk duan të përzihet me popullatën lokale vendase.
Ata kanë traditat dhe zakonet e tyre, stilin e veshjes, sjelljet dhe ritualin, e nuk duan që askush t’i shqetësojë dhe t’i vëzhgojë, ka thënë një person i vendbanimit që ka dashur të mbetet anonim.
Mësohet se shtëpitë janë nxjerrë në shitje në Kuvajt dhe se vlera e tyre arrin deri në 150-160.000 euro.
