Shtëpia e famshme e njohur si “shtëpia gozhdë” e cila për plot 14 vjet kishte bllokuar komunikacionin në qytetin kinez Shangai, më në fund është demoluar.
Banorët e saj nga viti 2003 e deri më sot me çdo kusht kanë refuzuar ofertat që të zhvendosen, duke këmbëngulur se nuk u janë ofruar mjaftueshëm para për kompensim.
Por, më në fund këto ditë kanë pranuar që të kompensohen me 2.7 milionë juan apo 412 mijë dollarë.
Situata të tilla nuk janë të rralla. Disa pronarë thjesht refuzojnë të shesin shtëpitë e tyre, dhe kështu “ngujohen” në mes të autostradave dhe ndërtesave të larta.
Kjo shtëpi në Shangai kishte bllokuar komunikacionin në rrugën prej katër korsive, ndërsa ishte planifikuar që të shtrohen edhe katër korsi tjera, por ato nuk ishin ndërtuar për shkak të kontestit.
- Advertisement -
