Kryeministri i Kosovës, Ramush Haradinaj, nëpërmjet llogarisë së tij në Facebook, është shprehur i lumtur që është arritur marrëveshja për rishikimin dhe korrektimin e demarkacionit me Malin e Zi, shkruan Gazeta Online DrenicaPress.
“Në këtë jubile të Pavarësisë së Kosovës, jam i lumtur që sot u arrit aneks-marrëveshja per ratifikimin, rishikimin dhe korrektimin e demarkacionit me Malin e Zi. Sot u vulos që sektorët në drejtim të Çakorrit dhe Zhlepit do të rishikohen dhe korrektohen.”
“Deklarata e përbashkët e Presidentit të Republikës së Kosovës, Hashim Thaçi dhe Presidentit të Republikës së Malit të Zi, Filip Vujanoviq, në formën e aneks-marrëveshjes si instrument ligjor obligativ ndërkombëtar, i jep epilog një paqartësie dhe ndarjeje të gjatë në shoqërinë tone”, ka shkruar Haradinaj.
Sipas kryeministrit Haradinaj, me këtë marrëveshje Kosova e përfundon edhe obligimin e fundit për liberalizmin e vizave.
“Me këtë po përfundojmë obligimin e fundit për liberalizim të vizave dhe po hapim një kapitull të ri në lirinë e lëvizjes për qytetarët tonë. Urime Kosovë”, përfundon reagimi i kryeministrit Haradinaj./Drenicapress.info/
