Analisti politik, Jusuf Thaçi, ka reaguar pas heqjes së flamurit kombëtar nga “Rrethi” i Prishtinës me urdhër të kryeministrit Ramush Haradinaj.
Thaçi në reagimin e tij në facebook, ka thënë se ” Kush do ta besonte se kjo përdhosje e flamurit kombëtar do të bëhej nga shteti në krye të të cilit janë personat që thirren në luftën çlirimtare?! “, shkruan Periskopi.
Reagimi i plotë:
Kush do ta besonte?!
Kush do ta besonte se flamuri kombëtar shqiptar do të përdhosej mu në qendër të Prishtinës nga shteti i Kosovës?!
Kush do ta besonte se kjo përdhosje e flamurit kombëtar do të bëhej nga shteti në krye të të cilit janë personat që thirren në luftën çlirimtare?!
Kush do ta besonte që shtetit që i paguajmë taksa dëshiron të na mohojë identitetin kombëtar?!
Kush do ta besonte që shteti i Kosovës nuk ka një shtizë për flamurin kombëtar?!
Shteti im që është kundër meje e kundër identitetit tim do të më detyrojë të kthehem kundër tij.
