Gjatë fillimit të ditë së sotme, saktësisht në orën 10:20 një i mitur humbi jetën në fshatin Grabanicë të komunës së Klinës.
Viktima në fjalë ishte i moshës 12 vjeçare dhe po vijonte mësimet në klasën e pestë. Personi thuhet të jetë qëlluar me armë zjarri nga familjari i tij gjithashtu i moshës së re.
Lidhur me këtë ngjarje, Indeksonline ka kontaktuar prokuroren kujdestare të rastit, Sahide Gashi e cila ka deklaruar se për momentin rasti është duke u cilësuar si vdekje aksidentale.
“Rasti për momentin cilësohet si vdekje aksidentale, pra kanë qenë të ri, teksa trupi i pajetë i viktimës është dërguar për obduksion”, ka thënë shkurt Gashi.
Gjithashtu bëhet e ditur se rasti ka të bëjë në mes viktimës 12 vjeç si dhe të miturit tjetër, 13 vjeçar që të dy me lidhje familjare në mes vete.
“Rasti në fjalë është duke u hetuar”, ka shtuar tutje Gashi.
Gjithashtu gjatë raportimit të ditës së sotme është theksuar se viktima është nga fshati Berliq i komunës së Deçanit./Indeksonline/
