Kryetari i Drenasit, Ramiz Lladrovci ka sjell një vendim të ri për qytetarët e kësaj komune përkatësisht për ata të cilët bëjnë renovime të objekteve dhe ndërtime.
Përmes një njoftimi Komuna e Drenasit bën të ditur se nuk do lejojë ndërtimet dhe renovimet e objekteve në këtë komunë, pa i plotësuar të gjitha kushtet dhe kriteret e parapara sipas Ligjit, transmeton Klan Kosova.
”Të gjithë ata që do të ndërtojnë e rinovojnë objekte, kryesisht në blloqet banesore, në përdheset e tyre, do të merren masa ndaj tyre, fillimisht duke ndaluar punimet, por edhe me fletëparaqitje ne gjykatë, ndërsa banorët të cilët japin pëlqimin e tyre për ndërtim-renovim, mbajnë përgjegjësi individuale, kurse Komuna, nuk do lejoj punimet. Drejtoria e Inspektoratit është në terren vazhdimisht dhe është duke marr masa ndaj shkelësve të Ligjit”, thuhet më tej në njoftimin e komunës, transmeton Klan Kosova.
