Deputeti i Lëvizjes Vetëvendosje, Dardan Sejdiu ka mohuar se do të jap dorëheqje nga posti i deputetit.
Sjediu në një prononcim për “Gazeta Blic”, ka thënë se nuk ka asgjë të vërtetë në lidhje me këtë informacion.
“Nuk ka të vërtetë në këtë informacion”, ka thënë shkurt ai për Gazeta Blic.
Ndryshe në media është raportuar se Dardan Sejdiu pritet të jap dorëheqje nga pozita e deputetit të Kuvendit të Kosovës për t’u rikthyer në ulësen e nënkryetarit të Komunës së Prishtinës.
Ndërkohë, Sejdiu edhe më herët ka qenë nënkryetar i Komunës së Prishtinës, por para zgjedhjeve të fundit parlamentare kishte dhënë dorëheqje për të marrë pjesë në zgjedhjet e 12 qershorit 2017 me lëvizjen “Vetëvendosje”.
Në anën tjetër javë më parë Dardan Sejdiu i VV-së ka dhënë dorëheqje nga pozita e nënkryetarit të partisë si dhe nga të gjitha pozitat drejtuese në Lëvizje.
