Në pistën e aeroportit të Prishtinës tashmë ka arritur aeroplani privat me të cilin pritet të dërgohet për shërim jashtë vendit ish-kryeministri dhe njëherësh lideri i LDK-së, Isa Mustafa
Mustafa do të dërgohet jashtë vendit në mënyrë që të kryejë disa kontrolle shëndetësore dhe të ketë një rehabilitim të nevojshëm.
Lidhur me këtë Express mbrëmë ka raportuar vazhdimisht në çdo detaj për atë se çfarë saktësisht po ndodh me gjendjen shëndetësore të Mustafës për të cilën pas dërgimit në spital, LDK-ja ishin deklaruar se ka të bëjë me një grip sezonal, e që doli të mos jetë e vërtetë.
Ish-kryeministri i Republikës së Kosovës, Isa Mustafa, sot në orët e para të ditës do të udhëtojë drejt Gjermanisë për trajtim të mëtejmë mjekësor.
Ai është me vetëdije të plotë, ndërsa ekzaminimi jashtë vendit bëhet në pajtim me familjen e tij, për të hequr të gjitha dyshimet. Familja e Mustafës dhe vetë ish-kryeministri Mustafa kanë falënderuar kryeministrin e Republikës së Kosovës, Ramush Haradinajn për gatishmërinë dhe mbështetjen.
