Gazeta online Drenicapress.info pat raportuar dje për një aksident komunikacioni në Llaushë të Skenderajt, ku të lënduar mbetën 8 persona.
Rasti u konfirmua edhe nga zëdhënësi i Policisë së Kosovës për rajonin e Mitrovicës, Avni Zahiti.
“Një aksident komunikacioni ka ndodhur në rrugën për në fshatin Llaushë, ku janë përplasur një kombi me një kamion. Si pasojë e aksidentit janë lënduar 8 persona, të cilët janë nisur për tretman mjekësor në QMF Skenderaj, dhe më pas edhe në QKMF Mitrovicë”, ka bërë të ditur Zahiti për Drenicapress.info.
Ndërsa sot Policia e Kosovës ka shkruar për këtë aksident duke shtuar se në fshati Llaushë të Skenderajt më 28.12.2017-14:00, raportohet se ka ndodhur aksident trafiku në mes të një veture civile dhe një fugoni. Si pasojë e aksidentit lëndime trupore kanë pësuar shtatë persona, tre meshkuj dhe katër femra K-Shqiptare dhe të njëjtit janë dërguar në spitalin e Mitrovicës ndërsa një prej tyre për shkak të lëndimeve të rënda dërgohet në QKUK. /Drencia Press/
