Deputeti Milaim Zeka ka shkruar se “Kosova ndodhet përpara një vullkani historik. Kosova ndodhet para një humbjeje historike.
Sonte po ju përcjell vetëm një mesazh te ambasadorit britanik i cili me tha në Kuvendin e Kosovës se: Shfuqizimi i ligjit për Gjykatën Speciale do të përkthehet në detyrim të vendeve perëndimore për tërheqjen e njohjes së pavarësisë se Kosovës si dhe largim të forcave të KFOR-it nga Kosova.
Kosova do të izolohet njësoj sikurse Koreja e Veriut.
Këtë shqetësim ia përcolla liderit te Nisma-s Z. Fatmir Limaj dhe Z. Jakup Krasniqi.
Ish kryetari i Kuvendit te Kosovës deklaroi se në fillim kur Hashim Thaçi dhe PDK ishin ‘Për’ unë isha ‘Kundër’, por tani në rrethanat e krijuara mendoj se një veprim i tillë është me pasoja të paparashikueshme për të ardhmen e Kosovës.
Unë mendoj se kjo lojë me Bashkësinë ndërkombëtare dëshmon qartazi se një pjesë e lidershipit politik të Kosovës, interesin personal e kanë gjithmonë mbi interesin e Kosovës dhe mbi ardhmërinë e fëmijëve tanë”, shkruan Zeka. /Drenica Press/
