43 deputetë të Kuvendit të Kosovës kërkuan që të mbahet mbrëmë seanca e jashtëzakonshme për ndryshimin e Ligjit për Gjykatën Speciale.
Kjo kërkesë erdhi me iniciativën e Organizatës së Veteranëve të Luftës së Ushtrisë Çlirimtare të Kosovës, por edhe ish-pjesëtarëve të UÇK-së.
E në mesin e 43 deputetëve që kanë nënshkruar këtë iniciativë është edhe deputetja e Partisë Demokratike të Kosovës (PDK), Evgjeni Thaçi-Dragusha, e cila njëkohësisht është edhe mbesa e Presidentit të Kosovës, Hashim Thaçi.
Presidenti Thaçi ende nuk është deklaruar për ligjin për Ndryshimin e Gjykatës Speciale.
Ai ka zhvilluar sonte një takim me kryeministrin Ramush Haradinaj, me të cilin raportohet se ka folur rreth kësaj çështje.
- Advertisement -
