Kryetari i Drenasit, Ramiz Lladrovci, është duke qëndruar për një vizitë në shtetin e Austrisë, shkruan drenicapress.info
Gjatë qëndrimit në Austri ai ka zhvilluar një takim me studentët dhe qytetarët shqipar që jetojnë në kryeqytetin austriak.
Në takim me studentët dhe qytetarët tanë në Vjenë, theksova se arsimimi i tyre shembullor dhe puna e përvoja që po bëjnë në Austri do të jetë edhe forcë lëvizëse e zhvillimit të vendit, duke ofruar mundësi për të ecur përpara në fushat për të cilat ata kanë studiuar e punuar dhe duke krijuar praktika të mira pune.
Diaspora shqiptare ka qenë shumë fuqishëm e lidhur me fatin e vendit dhe në krye të detyrës në çdo rrethanë duke i dhënë hov jo vetëm çlirimit të vendit por edhe përkrahjes dhe zhvillimit. Edhe sot, studentët tanë të arsimuar jashtë vendi janë krah i fuqishëm i zhvillimit.
I ftova që në çdo rrethanë të jenë të dobishëm për familjet e tyre dhe vendin, sepse ne kemi nevojë për më shumë përparim, më shumë përvojë të shkëlqyeshme si kjo në Austri e cila do të jetë e dobishme për të gjithë neve, shkruan Lladrovci. /Drenica Press/
