Nënkryetari i Partisë Demokratike të Kosovës, njëherësh ministri i Shëndetësisë, Uran Ismaili, ka thënë se Kosova ka përmbyllur një proces të rëndësishëm demokratik.
Sa i përket rezultatit, Ismaili ka treguar se PDK-ja ka më së shumti asamblistë në nivel vendi dhe më së shumti votë direkte. Madje, ai ka thënë se edhe sa i përket numrit të votave, PDK-ja qëndron mirë.
“Ne kemi numrin më të madh të asamblistëve në nivel vendi, që tregon se PDK-ja ka përfaqësimin më të madh në nivel komunal. Kurse, sa i përket balotazhit, aty kanë vendosur pazaret politike, të cilat jo domosdoshmërisht tregojnë forcën e një partie”, ka thënë Ismaili.
Më tutje, Ismaili ka thënë se PDK-ja do të fitojë edhe në Prizren. “Prizrenin do ta marrim. Kemi dhënë oferta shumë të mira. Në bazw të trendit të votave me kusht, PDK-ja do të fitojë edhe në Prizren”, ka thënë ai, transmeton Klan Kosova.
