Arban Abrashi nuk e sheh rrezik koalicionin e formuar sot mes të parit dhe të tretit. Ai madje këtë koalicion e quan Pazar në dëm të qytetarëve që u krijua nga frika e humbjes.
Sot u bë një koalicion i frikës prej të cilit qytetari nuk do të përfitojë”, ka thënë Abrashi.
Kandidati i LDK’së ka thënë përballë Fidan Jupollit se ky koalicion nuk është me Vetëvendosjes dhe AKR’së, por pazar i bërë mes Shpend Ahmetit dhe Rrahim Pacollit.
Ai tregon se ka marrë mesazhe nga anëtarë të AKR’së të cilët i kanë thënë atij se kjo marrëveshje nuk ishte në pajtim të gjithë partisë dhe se shtytja kryesore e koalicionit ka qenë Rrahim Pacolli për përfitime përsonale.
Ndër të tjerash, Abrashi ka ftuar edhe votuesit e Shpendit që ta shohin fytyrën e vërtetë të kryetarit dhe VV’së që kishin akuzuar Pacollët, e tashmë po krijojnë koalicion së bashku për shkak të panikës.
E, a e përcakton AKR’ja fituesin?
Arban Abrashi thotë se fituesi do të caktohet vetëm nga qytetarët e kryeqytetit dhe se takimet me qytetarë janë shpresa e tij e fitores.
