Dega e Nismas në Skenderaj ka nisur sot fushatën zgjedhore. Nga kryesia qendrore, i pranishëm në këtë hapje ishte Enver Hoti, i cili foli për zhvillimet e fundit në lidhje me zgjedhjet lokale.
Të gjithë të pranishmit i dhanë mbështetje të plotë kandidaturës së Bekim Jasharit për kryetar të Skenderajt.
Anëtarët e kryesisë së NISMA-s kërkuan mobilizim të shtuar nga strukturat e partisë në Skenderaj, me qëllim që Nisma të dalë sa më mirë në këto zgjedhje.
Shtabi zgjedhor më këtë rast ka kërkuar nga strukturat e partisë dhe anëtarsësia e saj ta përkrahin kandidatin e pavarur për kryetar të komunës së Skenderajt, Bekim Jashari.
Dega e Nisma-së në Skenderaj konkuron më 4 kandidatë për asambleist komunalë – Beqir Veliu, Selman Gjinovci, Shpresa Bejta, Leonora Dajaku – të cilët janë kuadro me përgatitje profesionale dhe përfaqsojnë në mënyrë të denjë vullnetin e strukturave të partisë në të gjitha nivelet e organizimit.
- Advertisement -
