Dy nga krerët e koalicionit PDK, AAK dhe Nisma, Kadri Veseli dhe Ramush Haradinaj kanë nënshkruar edhe sot një memorandum mirëkuptimi.
Pas nënshkrimit të memorandumit me BSPK-në dhe pensionistët e Kosovës, ata sot kanë nënshkruar memorandum të njejtë edhe me Sindikatën e Arsimit.
Kryetari i PDK-së ka thënë se me këtë memorandum parashihet rritja e pagave për sektorin publik.
“Ne do të lëvizim me rritje të pagave edhe për sektorin publik, do të rrisim pagat për zjarrfikësit, policinë të gjithë, po ashtu edhe për Administratën”, ka thënë Veseli.
E kandidati për kryeministër nga koalicioni PAN, Ramush Haradinaj ka thënë se “Sindikata e Bashkuar e Arsimit nga sot nuk janë vetëm më”.
E kryetari i SBASHK-ut, Rrahman Jasharaj është shprehur i lumtur për nënshkrimin e këtij memorandumi mirëkuptimi.
