Objekti i vjetër i shkollës së fshatit Bajgorë të Mitrovicës, i cili shërbeu edhe si bazë e UÇK-së gjatë peridhës së luftës së fundit në Kosovë.
Është lënë mbas dore tash e 19 vjet.
Gazetari Dibran Istrefi ka shkruar në Facebook se si ky objekt është lënë anash edhe 19 vite pas përfundimit të luftës, i cili i shërbeu si bazë ushtarëve të UÇK-së por edhe refugjatëve për strehim.
Istrefi ka shkruar:
Ky objekt i demoluar tërësisht ka qenë shkolla e fshatit Bajgorë, fshatit më të madh në regjionin e Mitrovicës.
Në kohë lufte ka shërbyer edhe si bazë e UÇK-së, e si qendër strehimi e mijëra refugjatëve, kryesisht nga zona e Llapit.
Gjurmët e lëna nga ish-pjesëtarët e UÇK-së edhe pas 19 vjetësh janë ende në këtë objekt.
E kujtoj atë kohë gushti e shtatori të vitit 1998, kur ushtarëve të UÇK-së iu dërgoja kumbulla, molla e dardha.
Dhoma ku tani shihet akronimi UÇK ka qenë klasa ime, kur vijoja mësimet në klasen e dytë të shkollës fillore.
Tash ky objekt ka ngelur në mëshirën e natyrës!
Thjesht nuk e meriton këtë gjendje.
