Në ditën e dëshmorëve e në shënim të Epopesë së lavdishme të Ushtrisë Çlirimtare të Kosovës, deputetja e Kuvendit te Kosovës Ganimete Musliu me një grup të rinjsh nga Partia Demokratike e Kosovës, bëri homazhe tek varrezat e dëshmorëve gjithandej Kosovës.
Vizitën e filloi në kompleksin memorial Zahir Pajaziti në Orllan. Vizita e tyre ka vazhduar në kullën e familjes Jashari dhe tek kompleksi memorial “Adem Jashari”, për të vazhduar ne kullën e nënë Sale Jasharit heroinës së luftës së UÇK-së. Gllogjani dhe familja Haradinaj, si simbol i flijimit për atdhedashuri ishte përmbyllja e këtyre vizitave.
Musliu tha se këto ditë për familjet dhe kombin shqiptar janë të vështira, kur dihet dhimbja që kanë përjetuar. Por, sipas saj krenaria që na lanë dëshmorët e mund këtë dhimbje sado e madhe që është./Gazeta Monitor/
