Klubi i volejbollit të Drenasit “Gryka” përmes një letre për media ka shprehur një shqetësim lidhur me Palestrën e Sportit në Drenas.
Në letrën e KV Grykës thuhej:
KV”GRYKA” ka filluar stërvitjet në kushte të jashtëzakonshme për arsye të temperaturave shumë të ulëta si dhe po përballet edhe më një fenomen që po ndodh vetëm tek ne, në KOSOVË në shekullin XXI .
Mund ta paramendoni në komunën tonë në DRENAS, salla e qytetit tonë është e mbyllur nga vet komuna, konkretisht nga Drejtoria për Kulturë, Rini dhe Sport, duke u arsyetuar së dy punëtoret e sallës së qytetit tonë nuk kanë kontrata. Shpresojmë shumë së me zgjedhjen e kryetarit të tanishëm RAMIZ LLADROVCIT, të rregullohet edhe ky problem shumë shqetësues për sportin në përgjithësi në Drenas.
Ekipi i KV”GRYKES” po mban ushtrimet në salle private në Drenas edhe pse po ka problem financiare, por po mundohet sa do pak të përgatitje për vazhdimin e kampionatit.
Federata e volejbollit të Kosovës duhet ta këtë parasysh kushtet atmosferike që kanë ndodhur në vendin tonë dhe për këtë arsye në mungesë të kushteve elementare për përgatitje për fillimin e kampionatit te të gjitha klubeve të volejbollit që të shtyhet fillimi i kampionatit për dy javë deri me 25/26.02.2017 .
