Ish kandidati i pavarur pёr kryetar tё Komunёs sё Drenasit, Xhavit Drenori bashkё me ekipin e tij ka vendosur qё tё themeloj njё alternativё tё re politike pёr Drenasin.
Kjo u vendos sot në takimin e mbajtur me anëtarë të Ekipës Drenori, transmeton Drenica Press. Drenori tha se pikënisje për angazhimin tonë me subjekt politik me strukturë të mirëfilltë në teren padyshim ishte rezultati i zgjedhjeve të 4. Dhjetorit si dhe nevoja imediate e ofrimit të një alternative ndryshe të qeverisjes lokale në Drenas.
VIZIONI PËR DRENASIN do jetë oferta me e sinqertë për qytetarët e Drenasit për të ngritur për zgjidhje problemet e grumbulluara në qeverisjen lokale.
“Pastrimi” i arsimit nga mësimdhënës të pa kualifikuar dhe fallsifikatorë; menaxhim i mirëfilltë i buxhetit komunal duke ndalur keqpërdorimet sidomos në shpenzimet për projektet kapitale duke ju ofruar qytetarëve (taksapaguesve) tanë projekte cilësore dhe sanksionimi i zyrtarëve komunal dhe kompanive private që gjatë viteve të kaluara e dëmtuan/mashtruan qytetarin tonë; pastaj, kthimi i ligjshmërisë në çdo sektor qeverisës do jenë udhërrefyes i punës dhe angazhimit tonë.
Të gjithë këto, definitivisht nuk mund t’i ofroj kryetari aktual i komunës tonë, marrë parasysh ekipën e tij.
Formalizimi i VIZIONI PËR DRENASIN do të ndodhë në ditët në vazhdim dhe njëkohësisht shtrirja nëpër secilin lokacion të komunës tonë.
