Ministria e Financave njofton të gjithë qytetarët e Kosovës se Kuvendi i Republikës së Kosovës ka miratuar “Ndryshimin dhe plotësimin e Ligjit për faljen e borxheve publike”, përcjell Drenicapress.info
Sipas MF me këtë ndryshim dhe plotësimin të Ligjit për faljen e borxheve publike, është vendosur afati i ri ligjor për përfitimin nga falja e borxheve ndaj Institucioneve shtetërore dhe Ndërmarrjeve publike, ku qytetarët dhe bizneset mund të përfitojnë nga Ligji për faljen e borxheve publike sipas nenit 4 të ligjit bazik, deri më 1 shtator 2017.
Ligji për faljen e borxheve ka hyrë në fuqi me 19 janar dhe është në fuqi deri më 1 shtator 2017.
Andaj, Ministria e Financave ju bënë thirrje të gjithë qytetarëve të Republikës së Kosovës që të përfitojnë nga Ligji për faljen e borxheve publike./Drenicapress.info/
