Kryetari i Komunës së Drenasit, z. Ramiz Lladrovci me bashkëpunëtor, të shtunën në mbrëmje ka qëndruar në lagjen Kukaj të fshatit Tërstenik II, ku është takuar me banorët e kësaj lagjeje dhe ka bashkëbiseduar për projektet të cilat janë në interes të tyre, ka marr edhe kërkesat e lagjes që janë prioritare.
Në këtë takim, banorët e lagjes Kukaj paraqiten kërkesat e tyre, ku më prioritare mbetet trafoja e energjisë elektrike e cila ka nevojë për riparim për shkak se energjia elektrike është tejet e dobët, si dhe prioritet i tyre u ngrit kanalizimi i papërfunduar, ndërsa për pastrimin e borës nga rruga u shprehen të kënaqur, pasi që kjo praktik më herët nuk kishte ndodhur në lagjen e tyre. Përkundër acarit, pjesëmarrja në takim ishte e madhe, kurse i pari i Komunës, z. Ramiz Lladrovc tha se kërkesat e tyre do të merren parasysh dhe së bashku do të arrijmë që prioritetet e tyre të realizohen.
