Në 18 vjetorin e masakrës së Reçakut, deputeti i Aleancës për Ardhmërinë e Kosovës, Daut Haradinaj ka përkujtuar të gjithë të rënët në këtë ditë. Ai në një postim në rrjetin social Facebook ka shkruar se pikërisht sot në këtë përvjetor, hyrja e trenit tregon se Beogradi po provokon haptazi në Kosovë.
Lexoni statusin e Haradinajt:
Sot kur kujtohet masakra e Reçakut e cila ngjalli ndërgjegjën e fjetur tek perëndimi dhe me të drejtë u trajtua si krim kundër njerëzimit, po në këtë ditë Kosova zgjohet me një ndërhyrje të drejtpërdrejt.Treni hyn në vendin tonë, me një fjalë është momenti që ta kuptojmë të gjithë se “ujku qimen e ndërron por zanatin se harron”. Beogradi haptaz po provokon dhe ndërhynë në Kosovë. Por a ka zot shtëpie ky vend? Tash garant edhe një rezolute në Kuvend si ajo për murin në urën e Ibrit.
Respekt të gjithë atyre që sot i kujtojmë dhe nderojmë në Reçak.
Respekt për aleancën veriatlantike në krye me SHBA që bombarduan regjimin e Serbisë.
