Marko Gjuriq, drejtor i “Zyrës për Kosovë dhe Metohi”, në Qeverinë e Serbisë ka deklaruar përsëri se, në qoftë se Prishtina deri në mes të shkurtit nuk formon Asociacionin e Komunave Serbe (AKS), atëherë ajo do të themelohet nga përfaqësuesit politikë të serbëve, transmeton “Zeri.info”.
Në një intervistë për “TV Pink”, Gjuriq tha se, “durimit po i vije fundi” dhe se, në qoftë se shqiptarët “në mënyrë të njëanshme” kanë qenë në gjendje për të shpallur pavarësinë, edhe serbët mund të themelojnë AKS-në, përcjell “Zeri.info”.
“Në fund të fundit, ky nuk do të jetë një veprim i njëanshëm, sepse është e përfshirë në marrëveshjen e Brukselit”, ka thënë Gjuriq. /Zëri/
- Advertisement -
