Këshilli komunal i komunës së Kumanovës ka mbajtur një seancë të jashtëzakonshme ku është diskutuar për çështjen e ndotjes së ajrit në këtë komunë.
Me këtë rast, Këshilli e ka obliguar kryetarin e Kumanovës, Zoran Damjanovskin, që sa më shpejtë të përgatisë një listë të ndotësve më të madhenj të qytetit. Po ashtu, Këshilli e ka obliguar komunën që të përpilojë masa për përmirësimin e cilësisë të ajrit dhe mbrojtjen e tij.
Alsat-M bën të ditur se në seancën me shumë përplasje mes këshilltarëve të pushtetit dhe opozitës, u miratua edhe rekomandimi për ministrinë e ambientit jetësor që të ndërtohet një stacion për cilësinë e ajrit në Kumanovë. Nga matjet e fundit ky qytet rezulton ndër vendbanimet më të ndotura në vend.
- Advertisement -
