Një koment i anëtarit të Kryesisë së Vetëvendosjes Sami Kurteshi në Facebook, ku ministren e Drejtësisë Dhurata Hoxha e quajti “lopë”, ka zgjuar reagime të ashpra, veçmas nga gratë deputete të koaliconit e grupet e ndryshme të shoqërisë civile e feministëve.
Por, edhe një zyrtar i lartë i partisë së ministres Hoxha, në PDK-në e Skënderajt, e kishte ofenduar rëndë ministren kur kjo ishte emëruar në këtë post.
Atëkohë, Ramiz Shala kishte thënë Hoxha nuk ka kapacitetet e mjaftueshmë për t’i dalë në ballë sfidave që dalin nga ushtrimi i funksionit të ministrit të Drejtësisë, shkruan Periskopi.
Për më shumë, Shala kishte përdorur edhe një shprehje, siç kishte shkruar ai, “të pleqve”, e cila thoshte: “Mos livroni me lopë sepse lajnë laknor e ta pshurrin bigën.”
Pra, në mënyrë metaforike, së pari, ministrja Hoxha ishte krahasuar më një kafshë në mënyrën më banale të mundshme nga një bashkëpartiak i saj.
Një reagim kaq masiv e të ashpër nuk e ka parë askush ndaj Shalës, përkundër që ofendimi i tij ndaj ministres ishte po kaq i rëndë.
Më poshtë ju sjellim të plotë statusin e Facebook-ut të Shalës, të shkruar më 11 korrik të këtij viti.
Ironike, por si duket Shala kishte harruar se ai që moti e kishte ofenduar ministren Hoxha. Në një status të tij, të para pak ditëve, ai mbron Hoxhën nga deklarata e Sami Kurteshit.
“Ky farë Kurtishi koka koxha burrë veç në raport me gratë”, ka shkruar ai.
Epo, si thontë pleqtë: “Nuk është kurrë vonë për t’i rënë pishman”. /Periskopi/
