Aksionet e Toshiba ranë me 20% ditën e Mërkure pasi firma paralajmëroi se biznesi i saj nuklear mund të vlejë më pak sa ishte vlerësuar më parë. Rënia ishte aq e madhe saqë stoqet financiar të gjigandit japonez u ndaluan nga tregtimi për pak kohë.
Aksionet ranë me 12% ditën e Marte pas publikimit të raporteve të para. Toshiba ja atriboi këtë rënie të bujshme marrëveshjes së një prej filialeve amerikane, Westinghouse Electric.
Ky i fundit bleu biznesin nuklear dhe të shërbimeve nga Chigaco Bridge & Iron në 2015-tën. Por aktualisht një betejë ligjore ka nisur ndaj kostove të marrëveshjes dhe vlerës së aseteve.
Lajmet e fundit janë një goditje e rëndë për reputacionin e gjigandit japonez i cili po përpiqet të rikuperojë dëmin e shkarkuar nga manipulimi i fitimeve vitin e kaluar që çoi në shkarkimin e ekzekutivit.
Që atëherë Toshiba është përpjekur të zvogëlojë aktivitetin e kompanisë duke shitur edhe divizionin e paisjeve mjekësore tek Canon. Pavarësisht zhvlerësimit të fundit të aksioneve, 2016-ta ka qenë një vit i mirë për Toshiban stoqet e së cilës kishin rikuperuar 77% të vlerës së humbur. (CIO Albanian)
