Veterani i UÇK-së, Sadat Fejza, i revoltuar aq shumë me gjithëçka po ndodhë në Kosovë, ka vendosur ta shqyejë certifikatën e veteranit të luftës.
Fejza, i cili është nga Vitia, i mllefosur me udhëheqësit më të lart të shtetit, të cilët edhe sipas tij po e ndajnë Kosovën, nuk ia vlen as dekorata e veteranit të mbahet kur shteti udhëhiqet nga bashkëpunëtorë të shërbimeve inteligjente serbe.
“Kjo është certifikata që e kam fituar me gjak, por prej mllefit dhe zhgënjimit që kam ndaj qeverisë së Kosovës dhe ndaj një presidenti antikombëtarë dhe që punon kundër interesave të popullit të Kosovës mua nuk më duhet kjo certifikatë, deri sa të vendoset rendi dhe ligji në Kosovë sepse nuk kemi luftuar që një udb-ash i Serbisë ta udhëheq shtetin e Kosovës siç është Hashim Thaçi, që vendosë mure nëpër qytete të Kosovës, pranvera e nxehtë po vjen kështu që duhet të bëhemi gati, edhe për një luftë”, deklaroi Sadat Fejza, i cili është detyruar tashmë disa muaj t’ia mësyjë kurbetit për të siguruar ekzistencën.
