Ylli i Instagramit, Albi Madhani është bërë i njohur falë ngjashmërisë së madhe me Babadimrin, por që në fakt ky edhe është hobi i tij në kohë të lirë.
Ky “gjysh” është gjithashtu i njohur që rrallë herë largohet nga palestra, dhe falë ushtrimeve të vazhdueshme ka arritur të fitojë epitetin e një bodybuilderi me trup të bukur, transmeton Telegrafi.
Me ushtrime kishte filluar të merret në momentin që ishte diagnostifikuar me diabet, kurse tani dëshiron të bëhet “Babadimri më i fuqishëm në botë”.
Të gjithë e kemi ditur se Babadimri është një figurë e madhe, por nuk e kemi besuar se çdo ditë ushtron në palestër. Duke marrë parasysh faktin se shpërndarja e dhuratave është një punë e bën me dëshirë të madhe, Albi Madhani, që është i njohur me nofkën “Big Bad Santa”, thotë se ushtron vazhdimisht.
Ai është i martuar dhe ka pesë fëmijë, me të cilët shpesh shkon në palestër për të ushtruar. Ushtrimet që i bën në palestër vazhdimisht i poston në profilin e tij në Instagram, dhe kështu profili i tij është bërë i famshëm e në veçanti në këtë fundvit. /Telegrafi/
