Kryetari i Kuvendit të Kosovës, Kadri Veseli, sot do të qëndroj për një vizitë në Skenderaj.
Zyra për informim e kryetarit të Kuvendit ka bërë të ditur se sot Veseli, do të marrë pjesë në vënien e gurthemelit të fabrikës së mishit në fshatin Polac të Skenderajt.
Drenica Press ditë më parë pat njoftuar se Investitorët gjermanë nga kompania “Weng Faat Poultry”, e regjistruar tashmë në Skenderaj si shoqëri aksionare që merret me përpunimin e mishit të shpezëve, do të fillojë së shpejti investimet në ndërtimin e objektit të fabrikës për përpunimin e mishit të shpezëve. Ky investim, sipas investitorëve gjerman, do të krijojë 70 vende të reja të punës në komunën e Skenderajt. /Drenicapress.info
