Qeveria e Kosovës ka hequr dorë nga nxjerrja e Ligjit antimafia, i cili, veç tjerash, parashihte edhe konfiskimin e pasurisë së fituar jashtëligjshëm, pa vendim gjykate, shkruan sot “Koha Ditore”.
Afro dy vjet ka punuar grupi punues për hartimin e koncept-dokumentit të këtij ligji, të cilin më pas ia kishte dërguar Qeverisë për miratim, transmeton Koha.net.
Por, tash së fundi, Ministria e Drejtësisë ka formuar një tjetër grup punues për Kodin Penal dhe Kodin e Procedurës Penale, cili ka ardhur në përfundim se Kosovës nuk i duhet Ligji antimafia, i natyrës së veçantë. Madje, sipas kësaj ministrie, Kosova nuk ka nevojë për “ligje të bukura në letër”.
- Advertisement -
