Një avion presidencial rus që transportonte gazetarë, u ndoq përgjatë gjithë rrugës që përshkoi në qiellin e Zvicrës nga avionë luftarakë, në mesin e tensioneve mes Vladimir Putin dhe pjesës tjetër të Europës.
Një prej pasagjerëve i cili ndodhej në avionin rus, që ishte nisur drejt Perusë, realizoi një video ku tregoheshin avionët e vegjël ushtarakë zvicerianë që fluturonin krah tyre.
Andrey Kelsnikoc, botuesi i revistës “Russian Pioneer” shkruajti në Facebook: “Po fluturojmë mbi Zvicër. Në një pikë të caktuar, avioni me delegacionin dhe gazetarët po bllokohet nga të treja anët nga avionët e vegjël luftarakë”.
Pavarësisht frikës se avioni rus mund të detyrohej të bënte një ulje të paparashikuar, xhetët zvicerian u larguan vetëm kur avioni mbërriti në kufi.
Kohët e fundit ka patur një rritje të prezencës ushtarake në Europën Lindore. Aleanca me presidentin sirian Bashar al – Assad dhe tregimi i forcës mbi aftësitë bërthamore nga Rusia ka bërë që kontinenti të jetë në alertë.
Sot u njoftua se Putin testoi një raketë supersonike që mund të arrijë Britaninë e Madhe në vetëm 13 minuta./tvklan.al
