Shoqatat e dala nga lufta e UÇK-së në Skenderaj dhe Këshilli i Punëtorëve të Administratës komunale të Skenderajt kanë bërë thirrje për protestë gjithë qytetare në Skenderaj për të kundërshtuar vendimin e Gjykatës së Apelit për Sami Lushtakun dhe të tjerët, transmeton Drenica Press.
“Protesta do të mbahet më datë 18 nëntor 2016 në Sheshin ‘Adem Jashari’ në Skenderaj nga ora 12:00. Ftohen të gjithë qytetarët e Skenderajt që t’i bashkohen kësaj proteste, në mbrojtje të luftës së UÇK-së dhe pjesëtarëve të saj dhe me kërkesën për vendim të drejtë nga Gjykata Supreme”, thuhet në njoftimin e shoqatave të dala nga lufta e UÇK-së.
