Vlora Çitaku ka folur edhe për tolerancën fetare në Kosovë, gjë për të cilën Kosova u vu në sy të keq nga Ivica Daçiq.
Çitaku ka thënë se gjatë luftës së fundit janë djegur shumë xhamia nëpër Kosovë, ndërsa për kishën në Kampusin e UP-së, Çitaku ka folur në veçanti, transmeton Koha.net.
Ajo ka thënë se në Kosovë ka kishë e xhami në një oborr, kurse me të vetmën kishë që kanë problem është ajo në Kampusin e UP-së, që është ndërtuar pa leje.
“Kisha është ndërtuar kur të gjithë shqiptarët ishin dëbuar nga Universiteti i Prishtinës, përfshirë edhe mua”, ka thënë Çitaku, duke shtuar se ajo nuk do të preket dhe do të qëndrojë aty ku është.
