Gjykata Themelore Shkupi 1 ka reaguar pas rrahje së sotme në orët e pasditës në hapësirat e Gjykatës, duke e vërtetuar atë se ka ndodhur, por se nuk ka të bëjë asgjë me Vlladimir Pançevskin, përcjell Telegrafi Maqedoni.
“Sot në Gjykatë kishte një incident, në të cilin një i punësuar së pari sulmoi verbalisht duke u kërcënuar me jetë një tjetër të punësuar dhe pastaj e ka sulmuar fizikisht. Sulmuesi e ka pranaur fajin dhe ka lajmëruar policinë. Hedhim poshtë gjithë spekulimet se në gjykatë ka inventar të thyer si dhe spekulimet se në këtë ngjarje është i përfshirë edhe kryetari i Gjykatës, Vlladimir Pançevski. Ajo çfarë ndodhi sot është paralajmëruar tek organet kompetente të cilat duhet të merren më tej me rastin”, deklarojnë nga Gjykata Themelore e Shkupit./Telegrafi
