Shefi i La Ligas, Javier Tebas, duket se e ka përmendur aksidentalisht emrin e stadiumit të ri të Atletico Madridit.
‘Los Rojiblancos’ janë duke lëvizur nga shtëpia e tyre Vicente Calderon në fund të sezonit në një stadium të ri në kryeqytetin e Spanjës, edhe pse nuk dihet ende se si do të quhet.
Mirëpo, Tebas si duket është ngutur paksa dhe ka zbuluar pa dashje emrin e mundshëm të stadiumit të klubit Atletico Madrid.
“Atleti do të na dhurojë që ta shohim ‘Estadio de Madrid’ apo Stadiumin e Madridit, ose ‘The Wanda’, kështu do të mund të quhet”, zbuloi Tebas në një konferencë shtypi të enjten.
Megjithatë, kjo nuk dihet nëse këto komente janë shaka apo serioze nga Tebas, pasi klubi nuk ka bërë asnjë deklaratë zyrtare ende mbi emrin e stadiumit.
Stadiumi i ri i Atleticos është afër përfundimit dhe pritet të jetë gati për sezonin e ri
Ndryshe, Wanda Property Group ka blerë 20% të Atleticos në janar 2015 dhe kryetar i kompanisë, Wang Jianlin, është njeriu i dytë më i pasur i Kinës.
