Seanca e jashtëzakonshme e Kuvendit të Kosovës e planifikuar të mbahet për sot është vendosur të mbahet të enjten, në ora 10:00.
Kështu bëri të ditur anëtarja e Kryesisë së Kuvendit të Kosovës nga radhët e Vetëvendosjes, Aida Dërguti.
Ndryshimi i orarit të mbajtjes së seancës së jashtëzakonshme është bërë për shkak të vonesës në lajmërimin e deputetëve për seancë.
Kërkesa për seancë të jashtëzakonshme është bërë nga Partia Demokratike e Kosovës dhe për këtë janë mbledhur 40 nënshkrime.
Në këtë seancë të jashtëzakonshme do të diskutohet për vlerat e UÇK-së në raport me situatën e krijuar pas dënimit të ish-udhëheqësve të UÇK-së në rastin “Drenica”. /Telegrafi/
- Advertisement -
