Lëndimi i sulmuesit Marko Pjaca, është konsideruar si një lajm i tmerrshëm nga mediat vendore atje.
“Jutarnji List” e ka konsideruar këtë “epidemi lëndimesh” te Kroacia si të çuditshme, duke shkruar se lajmi për mungesën e Pjacas është i tmerrshëm, përcjellë “Lajmi.net”.
“Vazhdon seria e çuditshme e largimeve. Pas Modric, Rakitic dhe Lovren, Kroacia goditet përsëri nga një lëndim i tmerrshëm: Me Kosovën pa yllin e Juventusit”, shkruan “Jutarnji List”.
Ky lajm është konsideruar si shumë i keq për përzgjedhësin Ante Çaçiç edhe nga mediat tjera kroate.
Ndryshe nga Kroacia, Kosova sot e ka marrë një lajm fantastik para ndeshjes.
Kjo pasi që FIFA ia ka dhënë lejen edhe zyrtarisht Arbër Zenelit për të luajtur për fanellën e vendit të origjinës së tij.
