Prej disa muajsh rruga nga sheshi “Adem Jashari” në Skenderaj e deri tek rreth rrotullimi në Klinë, që shpie për Mitrovicë kishtë vështirësi në qarkullim pasi bëheshin ndërhyrje në rrjetin e kanalizimit, por këtij mundimi sot i ka ardhur fundi, pasi kjo rrugë e cila mban emrin “Sala e Hamit Jashari” është asfaltuar dhe është e gatshme për qarkullim, transmeton portali Drenica Press.
Rruga “Sala e Hamit Jashari”, njëra ndër rrugët kryesore të qytetit të Skenderajt dhe ka gjatësi rreth 1 km është njëra ndër rrugët më të frekuentuara në hyrje të qyteti të Skenderajt nga pjesa veriore, deri te sheshi “Adem Jashari” dhe safaltimi i saj ka rëndësi të veçantë.
Me rastin e asfaltimit të kësaj rruge, në këtë pjesë të qytetit ka qëndruar Nënkryetari i Komunës Fadil Nura i shoqëruar nga Kryesuesi i Kuvendit komunal Ismet Salihu, Drejtori i Urbanizmit Driton Mulaj dhe përfaqsuesit e zgjedhur të kësaj pjese të qytetit. Z. Nura i uroi banorët për asfaltimi e rrugës, ndërsa ata u shprehën të kënaqur me punën që është bërë në të gjitha aspektet.
Asfaltimi i kësaj rruge ka ardhur si nevojë dhe kërkesë e vazhdueshme e banorëve të këtueshëm për rikonstruktim të saj dhe intervenim në kanalizimin fekal dhe atmosferik që ka pasur probleme në të kaluarën.
Asfaltimi rrugës dhe riparimi i kanalizimit fekal e atmosferik në rrugën “Sala e Hamit Jashari” është bërë me standarde të larta teknike dhe profesinale që garantojnë qëndrueshmërinë e punëve të kryera./drenicapress/
