Sekretarja për Marrëdhëniet me Publikun në Partinë Demokratike, Grida Duma u shpreh se rasti i shqiptarit të vdekur në burgjet greke është tronditës. Ajo tha se Pëllumb Marnikollaj kishte qenë më 3 gusht në një komisariat policie në Athinë dhe se prej andej nuk ka dalë më gjallë.
“Kjo është një ngjarje e rëndë që meriton drejtësi dhe ndëshkim shembullor për çdo përgjegjës për vdekjen e 29vjeçarit shqiptar. Dyshimet janë se ndaj të riut shqiptar është ushtruar dhunë. Dhe nëse kjo vërtetohet, ky është një rast i përsëritur i trajtimit çnjerëzor të shqiptarëve në qelitë greke, në kundërshtim me çdo normë ndërkombëtare të të drejtave të njeriut”, tha Duma.
Ajo theksoi se Rama po hesht për rastin, duke shtuar se nuk po angazhohet për vdekjen misterioze të 29vjeçarit nga Shqipëria.
