Punimet për revitalizimin e urës së Ibrit në Mitrovicë, do të nisin nesër në orën 10.
Këtë e kanë vërtetuar edhe menaxheri i projektit në kompaninë “Sintek-K-ing”, e zgjedhur për ta larguar pengesën, Bujar Zeqiri, i cili sot kishte filluar përgatitjet për punë.
Përfaqësues të kësaj kompanie, në një pjesë jugore të saj, janë takuar me kryetarin e komunës, Agim Bahtiri, me ç’rast kanë biseduar për realizimin e këtij projekti, thuhet në një njoftim të Komunës së Mitrovicës.
Zeqiri, tha se punët do të nisin të dielën, më 14 gusht, në ora 10:00, dhe se bashkëpunimi midis komunave dhe punëkryesit është i domosdoshëm, sepse punët mund të kryhen shumë më lehtë e më mirë nëse komunat ofrojnë mbështetjen e tyre.
Fillimet punimeve për revitalizimin e kësaj ure, i ka bërë publike dy ditë më herët edhe vet kryetari i Mitrovicës, Agim Bahtiri.
