Për banorët e fshatit Runik të komunës së Skenderajt tanime po realizohet një projekt shumë me vlerë për jetën e tyre, pasi ata shumë shpejt do të bëhen me rrjet të kanalizimit. Në vazhdën e realizimit të projekteve infrastrukturore në Runik të Skenderajt po vazhdon realizimi i projektit të kanalizimit fekal, projekt ky jetik për banorët e kësaj ane.
Nënkryetari i Komunës së Skendrajt Fadil Nura, duke vlerësuar rëndësinë që ka ky projekt për qytetarët e Runikut, sot ka monitoruar nga afër punimet që po realizohen atje.
Përveç kanalizimit fekal Runiku këtë vit ka përfituar edhe në infrastrukturës rrugore pasi janë asfaltuar disa rrugë të lagjeve në këtë lokalitet.
Falë investimeve serioze që po bënë Komuna e Skenderajt në projekte të rëndësishme, Runiku gradualisht po bëhet një vendbanim modern ashtu siç e meriton si Bshkësia më e madhe lokale e Skenderajt. Kjo po ndodh falë interesimit të pushtetit lokal për përmirësimin e jetës së qytetarëve dhe bashkëpunimit të sinqertë në mes të institucioneve dhe qytetarëve.