Gjatë verës Bashkimi Evropian do të caktojë stafin e Dhomave të Specializuara dhe Prokurorit Special, pranë Gjykatës Speciale.
Ndërsa në qershor pritet që të caktohet buxheti që do të mundësonte fillimin e punës stafit të rekrutuar.
Nga zyra e Bashkimit Evropian në Kosovë i kanë thënë Tribuna Channel se të gjithë hapat logjistik dhe administrativ për këtë çështje kanë përfunduar, por mbetet që buxheti të miratohet nga këshilli i BE-së në qershor.
BE ka shpallur konkurs për 37 pozita për staf të Speciales.
Sa i përket rekrutimit të stafit deri më tani, saktësisht më 27 maj është mbyllur konkursi për pozitat katër administrative pa përfshirë pozicionin e gjykatësve.
