Bujqit palestinezë në kufi të Gazas, po i mbledhin prodhimet e tyre nën rrezikun e të qenët të sulmuar nga Izraeli, raporton Anadolu Agency (AA).
Palestinezët të cilët posedojnë ara me grurë dhe elb pranë pikës në kufirin e Gazas, e cila mbahet nën bllokadë nga ushtria izraelite, po përjetojnë vështirësi gjatë korrjes së prodhimeve të tyre për shkak të sulmeve izraelite ndaj gjithsecilit që afrohet në zonën e ndaluar.
Bujqit të cilët gjithnjë gjenden nën rrezik nga të qenët të qëlluar për vdekje, korrjen po e bëjnë nën koordinimin e Kryqit të Kuq Ndërkombëtar me ushtarët e Izraelit.
Osman Ebu Revk, bujku 72-vjeçar i cili dha një deklaratë për gazetarin e AA-së, tha se ara e tij prej një mijë metrash katrorë gjendet në largësi prej 300 metrash nga gardhi kufitar, dhe se në periudhën e korrjeve çdo ditë shkojnë së bashku me të birin dhe punëtorët tjerë në orët e mëngjesit.
Duke rrëfyer se ka qenë i plagosur më herët nga ushtria izraelite duke punuar në arë, Revk tregoi se ushtria izraelite u jep vetëm dy orë leje për punë, nga ore 6:00 deri në orën 8:00, dhe se kohë pas kohë hapet zjarr ndaj tyre.
Revk më tej shton se meqë duhet të largohen nga arat për shkak të orarit shumë të shkurtër. “Korrja e parashikuar të mbarojë brenda dy ditëve, zgjat deri në një javë, për shkak të ushtrisë. Ngandonjëherë, ushtarët hyjnë me buldozerë nëpër arë dhe i dëmtojnë prodhimet. Vitin e kaluar kanë hyrë disa herë”, tha ai në deklaratën e tij.
/Shembulli/
