Xabi Alonso mund të rikthehet në Liverpool. Mesfushori spanjoll do të largohet nga Bayern Munich pas përfundimit të këtij sezoni, kur edhe do t’i skadojë kontrata me kampionin e Bundesligës.
Tabloidi britanik “Daily Express” ka bërë të ditur se menaxheri i ri i “Reds”, Jurgen Klopp ka shprehur interesimin për rikthimin e Alonsos në Anfield.
Ai kaloi një aventurë të suksesshme me Liverpoolin gjatë periudhës 2004-2009, para transferimit në Real Madrid prej ku në verën e vitit 2014 nënshkroi me Bayern Munichun.
Alonso në ndërkohë kërkohet edhe nga disa klube në Major League Soccer.
- Advertisement -
