Rreth tridhjetë studentë kanë paraqitur raste në Policinë e Kosovës se iu mungojnë gjësendet në konvikt.
Po largohet nga konvikti edhe njëherë tjetër.
Veçse më shumë se dy muaj pas, ky student pati mundësinë që t’i marrë të gjitha gjësendet që kishte në Qendrën e Studentëve.
Njëjtë si ai vepruan edhe dhjetëra studentë të tjerë këtë të mërkure.
Shumëkush prej tyre kishte lënë rrobat e gjithçka tjetër për shkak se mendonin që kjo periudhë nuk do të zgjaste shumë.
E dikush tjetër po thotë që në mars nuk kishin kohë të mjaftueshme për të zbrazur dhomën e konviktit. Muaj pas studentët thonë se gjetën të gjitha gjërat siç edhe i kishin lënë.
Por jo të gjithë patën fatin e njëjtë.Rreth tridhjetë studentë kanë lajmëruar në Policinë e Kosovës se iu mungojnë gjërat që kishin lënë në Qendrën e Studentëve e cila është shndërruar në karantinë, raporton T7.
E sipas Fatmir Sfishtës nga Qendra e Studentëve ankesat e tyre janë të ndryshme.
Por Sfishta thotë që vlera e këtyre gjësendeve në Polici nuk figuron e njëjtë me atë që studentët po deklarojnë.
Tërheqja e gjësendeve të studentëve nga konviktet do të vazhdojë deri të shtunën, ndërkohë që Policia e Kosovës po heton mungesat e tyre.
